Ish-kryenegociatorja e Kosovës në dialog, Edita Tahiri, ka thënë se kryeministri Albin Kurti ka arritur që ta dëmtojë aleancën strategjike të Kosovës dhe Amerikës.

Ajo, me anë të një postimi në rrjetin social Facebook, ka deklaruar se është hera e parë që Kosova e ka një lider antiamerikan duke iu referuar Kurtit.

“Kosova u ndëshkua hapur nga Amerika me masat ndëshkuese të cilat i tha publikisht sot ambasadori amerikan Hovenier. Që nga viti 1992 kur e krijuam aleancën me Amerikën, atëherë kur presidenti Bush kërcënoi Milosheviqin duke i thënë se nëse përshkallëzon dhunën në Kosovë do të përballet me intervenimin amerikan.

“Siç dhe ndodhi, kjo është hera e parë që Kosova ka një lider antiamerikan, ndërsa pasojat do t’i barte shteti ynë, i njohur si shteti me pro-amerikan në botë! Sot Kurti u përplasë në shkëmb!”, ka shkruar Tahiri.