Pjesëtarë të shoqërisë civile, zyrtarë qeveritarë, liderë të partive politike dhe diplomatë do të marrin pjesë sot në diskutimin e organizuar nga Ambasada amerikane lidhur me Asociacionin e komunave me shumicë serbe, shkruan Insajderi.
Në këtë takim po marrin pjese edhe përfaqësuesit e kryeministrisë, ndonëse i pari i Qeverise Albin Kurti nuk mori ftesë fare nga Ambasada amerikane për pjesëmarrje në diskutimin për Asociacionin.
Kurti në emër të tij delegoi një nga njerëzit e tij të afërt, shefin e kabinetit Luan Dalipin njëherë edhe fituesin e tenderëve të qeverisë Thaçi.
Luan Dalipi kishte përfituar rreth 600 mijë euro gjatë qeverisjes së Thaçit, shkruan Insajderi.
Ai sot është parë duke hyrë në ambasadë si përfaqësues i qeverise për të diskutuar lidhur me Asociacionin.
Që nga koha e emërimit të Luan Dalipit në pozitën e shefit të stafit të kryeministrit Kurti, Dalipi mbahet mend për një gjë, sulmin që ua ka bërë mediave duke i lidhur ato me “biznese kriminale”.