21:06 - 01 Dhjetor 2022

epa04447012 Serbian players try to recover a flag on the pitch before the Euro 2016 Group I qualifying match between Serbia and Albania was suspended, at the Partizan stadium in Belgrade, Serbia, 14 October 2014. The match was suspended after the flag Albanian symbols was flown above the stadium remote controlled by a drone which provoked a fight between players. EPA/SRDJAN SUKI

Taulant Xhaka rikthehet të flasë, jo për median shqiptare, por për atë zvicerane… Gjithsesi, deklarata e ish-mesfushorit të Kombëtares së Shqipërisë nuk kishte se si të mos sillej në vëmendje edhe nga “Kurir”.

Në deklaratën e tij, 31-vjeçari foli se çfarë pret nga ndeshja e së premtes, mes Serbisë dhe Zvicrës, e fundit në Grupin G, e cila vlen një biletë për në 1/8-at e Kupës së Botës.

Kujtimi dhe eliminimi në “Rusi 2018” i serbëve është ende i freskët (ishin sërish në të njëjtin grup, së bashku me Brazilin madje). Ndërsa Xhaka barazonte në 1-1 me një predhë nga jashtë zone, Xherdan Shaqiri në fund dhuronte avantazhin dhe fitoren 2-1, një festë e cila do të mbahet mend edhe për shqiponjën dykrenore me të cilën dy lojtarët shqiptarë të helvetëve festuan përballë syve të “armiqve”.

“E vërteta… Nuk isha aspak i lumtur kur pashë se shorti i vuri sërish përballë, duke marrë parasysh të gjitha emocionet, por edhe ngjarjeve të së kaluarës së Xhakës me serbët. Gjithsesi, me Granitin nga dita e shortit e deri më sot kam folur shumë, po realisht shumë kohë, – thekson vëllai i madh i familjes Xhaka, i cili lidhur me kapitenin e Zvicrës vazhdon. –

Këshilla ime ishte të harronte se çfarë kishte ndodhur në të kaluarën dhe të jetë i qetë edhe në këtë duel të radhës ndaj tyre. Nuk ka rëndësi nëse i shënon, nuk ka rëndësi nëse në fund fiton apo humbet. Ai duhet thjesht të qëndrojë i qetë dhe të bëjë lojën e tij. Fundja, po flasim gjithmonë për një ndeshje futbolli, jo për politikë dhe e tillë duhet të mbetet”.

Në të njëjtën kohë, Taulant Xhaka nënvizon se pas festës me shqiponjë në Botërorin e vitit 2018, ai nuk ka pasur asnjë problem me lojtarët serbë, ndonëse ajo shqiponjë së bashku me Shaqirin ishte një provokim i pastër: “Unë e di mirë se Graniti nuk ka asnjë problem me futbollistët serbë, madje ka shumë shokë e miq të mirë me të cilët ka ndarë fushën në vitet e kaluara dhe kanë vazhduar ta mbrojnë shoqërinë e tyre.

Por pyetja që lind në pritje të sfidës së të premtes është: ‘Çfarë urdhri do të marrin lojtarët nga instancat e larta, edhe ato jashtë futbollit, për të shfaqur në fushën e lojës. Mund ta imagjinoj që tani se si media e Beogradit do ta fryjë atmosferën e kësaj sfide. Jam shumë i sigurt se ato do të provokojnë Granitin dhe Xherdanin. Prandaj të dyve u them që të përgatiten dhe të ruajnë përqendrimin, pasi kanë një objektiv të rëndësishëm për të arritur”, mbyll reagimin e tij Taulant Xhaka.