Tre të dyshuarit për sulmin brutal ndaj gazetarit Valon Syla janë parë teksa largohen të prangosur nga gjykata. Ndaj te njëjtëve është kërkuar masa e paraburgimit prej 1 muaj, por ende nuk është marrë vendimi.

Seanca ndaj tyre filloi nga ora 10:00.

Të dyshuarit për sulmin ndaj gazetarit, Kenan Hasani, Okan Hasani, Lum Dervishi u arrestuan të mërkurën nga Policia e Kosovës.

Sylën e kishin përcjellur sulmuesit, derisa ka dalur nga ndërtesa e T7, ku ishte i ftuar në emisionin Pressing, pastaj e kishin ndjekur me veturë dhe para shkallëve të një lokali në Bregun e Diellit e kishin sulmuar.

Ai pësoi lëndime në kokë dhe pas trajtimit mjekësor, nga QKUK-ja tha se sulmuesit ishin “tre islamikë fanatikë”.