Të jetosh vetëm nuk do të thotë të jesh vetëm, përkundrazi. Të jetosh vetëm për një periudhë të caktuar kohore të mëson të shijosh shoqërinë e vetvetes. Nëse nuk doni të ndani qiranë me dikë apo doni të provoni një përvojë të re, pak rëndësi ka: të jetosh vetëm mund të jetë një mundësi fantastike për t’u rritur dhe përmirësuar si person.

6 arsye pse është bukur të jetosh vetëm

Nuk varesh nga askush, je shefja e vetvetes

Je shefja e vetes. Askush nuk të thotë çfarë të bësh. Bën zgjedhjet e tua në mënyrë të pavarur, menaxhon kohën tënde, shkon dhe vjen si të dëshirosh. Mund të hash çdo gjë dhe sa herë që ke dëshirë pa u shqetësuar se duhet të gatuash për dikë tjetër. Të mos kesh askënd të cilit duhet t’i japësh përgjigje çdo ditë, mund të jetë çliruese.

Ndihmon për të zbuluar kush je në të vërtetë

Të jetuarit vetëm është periudha e përsosur për të mësuar më shumë rreth vetvetes–pikat e forta, të dobëta, dëshirat, motivimin, modelet e sjelljes me pak ose aspak siklet. Në thelb, të jetuarit vetëm na jep më shumë kohë për t’u përqendruar tek vetja, duke na ndihmuar të zhvillojmë aftësitë tona introspektive që mund të përmirësojnë dietën tonë dhe atë të tjerëve.

Ndihmon për të gjetur qetësi pas një dite pune

Të jetuarit vetëm të jep lirinë maksimale për t’u çlodhur dhe pushuar, duke të ndihmuar të marrësh veten nga ditët intensive dhe të lodhshme të punës. Kjo është veçanërisht e dobishme për gratë që mbartin peshën e gjithë ditës në shpatullat e tyre dhe shpesh kjo shkakton sëmundje fizike dhe stres nëse nuk zgjidhet si duhet. Nga ana tjetër, e dimë si është të jetosh në një shtëpi me shumë njerëz, që e bën shumë të vështirë pushimin dhe qetësinë.

Ndihmon për të zhvilluar anën tënde krijuese

Të jetuarit na jep kohën dhe lirin për të eksploruar dhe punuar me pasionet tona. Shumica e shkrimtarëve, artistëve dhe muzikantëve të mëdhenj janë lidhur me anën e tyre krijuese në vetmi pasi vetmia siguron mjedisin më të mirë për të menduar, ëndërruar dhe krijuar.

Ndihmon të kuptosh barrën e përgjegjësisë

Mund të bësh gjithçka që dëshiron, kur të dëshirosh, ku të dëshirosh kur je vetëm. Nuk ke presionin e të përmbushurit të detyrave konstante dhe të mërzitshme. Ndërsa të jetuarit me të tjerë mund t’ju mësojë aftësitë shoqëruese, kompromiset, gjithashtu mund të shtypë dhe t’ju pengojë të jetoni një jetë harmonike dhe të këndshme.

Ndihmon për të krijuar një ekuilibër të brendshëm

Jetojmë në një shoqëri frentetike dhe shumë të lidhur, të zhytur në lajme dhe rrjete sociale pothuajse 24 orë në ditë, 7 ditë në javë. Të pasurit e një hapësire personale ndihmon për t’u shkëputur nga frenetizmi i botës së jashtme dhe për të kuptuar çfarë duam vërtet.

Si të menaxhoni vetminë dhe stresin kur jetoni vetëm

Të jetosh vetëm do të thotë të bësh sakrifica, veçanërisht në aspektin ekonomik, por kjo zgjedhje të ndihmon të bëhesh me e pavarur dhe të ndihesh më mirë në shoqëri. Në fund të fundit nuk ke frikë të jetosh vetëm. Një hapësirë nuk na përcakton gjithmonë, por nëse në atë hapësirë mund të bësh gjithçka që dëshiron, ia vlen të përpiqesh të jetosh vetëm.

Nuk është e pazakontë, megjithatë të ndihesh e vetmuar dhe e stresuar herë pas here. Të gjesh veten në një hobi ndërsa jeton vetëm, zvogëlon shumë nivelin e stresit. Për shembull, mund të shihni filmat që doni ose të shkoni në palestër.

Duhet të kuptosh nga ana tjetër se nuk do të jesh përgjithmonë e vetme!