Patrice Evra (41) nuk mund të kishte folur më qartë për PSG-në. Ish-futbollisti i kombëtares franceze dhe Manchester United (2005-14) beson se drejtuesit e Parc des Princes janë më të vetëdijshëm për spektaklin që krijohet në tribuna sesa për atë në fushë. 

“Është një klub spektakli, ku futbolli nuk është prioritet”, tha ai, duke argumentuar se kjo është arsyeja pse ai nuk ka fituar ende një Champions League.

Fjalët e tij për ‘RMC’ janë një shuplakë për një klub miliarderësh që fiton gjithçka në Francë, por dështon kur kalon kufirin. “Është më e vështirë të luash në Paris sesa te Manchester United apo Real Madrid për shkak të presionit dhe pritshmërive të mëdha.

Por unë kam një problem me Parisin: ne ua shtrijmë tapetin e kuq të gjithëve. Ishte Dani Alves (me një të kaluar në PSG ) në atë kohë që më tha: “Por Pat, ne nuk do ta fitojmë kurrë Champions League. Ti arri këtu dhe shiko që ne jemi yje të rockut””.

Evra shpreh keqardhjen që nuk respektohen legjendat dhe lavdërimet janë tejkaluar për yjet e sapoardhur: “Në tribuna nuk shihet Bernard Lamas, por Kardashians dhe kompania e saj. Është një klub show-biznesi. Futbolli nuk është prioriteti, jo.

Nasser Al-Khelaïfi e do klubin, por komunikimi dështon. Kur shkoj për të parë një ndeshje në Paris, është si të shkoj të shoh një koncert. Unë jam në dhomën VIP, shampanjë, katër të vogla… Por ku janë legjendat? Kur shkon në Old Trafford, në ndenjëse shkruhet emri im dhe emrat e legjendave që kanë kaluar atje. Nuk ka Leonardo Di Caprio që vjen të shikojë ndeshjen, ne nuk jemi në Hollywood,”- përfundon ai.