×
  • Lajme
  • Lajme / Kosovë

    Të shtunën bëhet pastrimi gjeneral i rrugës “Qazim Bobaj” në Prishtinë

    Insajderi
    30 September 2022 - 10:14

    Komuna e Prishtinës ka bërë të ditur të premten se më 1 tetor do ta bëjë pastrimin gjeneral të rrugës “Qazim Bobaj” me parkingjet përreth.

    Përmes njoftimit, komuna ka kërkuar bashkëpunimin e banorëve të lagjes, që të shtunën të mos i parkojnë veturat në parkingun paralel me shiritat qarkullues të rrugës e as në trotuare.

    “Të shtunën, më 1 tetor 2022, nga ora 09:00, do të bëhet pastrimi gjeneral i rrugës “Qazim Bobaj” me parkingjet përreth, rrugët lidhëse, si dhe hapësirat tjera publike në këtë zonë. Më pas do të bëhet edhe pastrimi i sipërfaqeve të gjelbëruara në këto hapësira. U bëjmë thirrje banorëve të lagjes që në këtë ditë të mos i parkojnë automjetet në parkingun paralel me shiritat qarkullues të rrugës dhe as në trotuare për të mos penguar në realizimin e punimeve. Lusim qytetarët tanë të bashkëpunojnë, sepse në rast të mos respektimit të këtij njoftimi nuk do të marrim përgjegjësi për dëmtime të veturave apo mjeteve tjera motorike në këto rrugë dhe hapësira tjera publike të kësaj zone”, thuhet në njoftim.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark