Pasi humbën dy ndeshjet e para të sezonit, Unitedi ka fituar katër ndeshjet e fundit në Premierligë, duke përfshirë fitoret kundër Liverpoolit dhe Arsenalit.

Ronaldo ka zënë një vend në pankinë pasi Marcus Rashford në formë drejton linjën për Unitedin, por Ten Hag beson se portugezi do t’u tregojë të gjithëve cilësinë e tij së shpejti.

Në një intervistë për “Sky Sports”, Ten Hag tha: “Është krejt normale. Kishim shumë lojtarë që performojnë mirë për kombet e tyre. Disa lojtarë që janë ndoshta në një formë më pak, por ai që mund të merret me këtë është Cristiano Ronaldo. E gjithë karriera e tij e gjithë bota e shikon atë dhe ka pritshmëri të mëdha prej tij dhe jam i sigurt se ai do të kthehet. Gjithë karrierën e tij ai shënon dhe bën mirë dhe të gjithë do të heshtin. Unë kam besim të plotë”.

Ronaldo ka shënuar vetëm një gol këtë sezon, kundër Sherifit në Europa Ligë.

Ai gjithashtu pati vështirësi në pushimin e fundit ndërkombëtar, duke dështuar të shënonte në ndeshjet e Portugalisë kundër Republikës Çeke dhe Spanjës.

Sulmuesi do të shpresojë të luajë rolin e tij në derbin e Manchesterit sot (e diele), megjithatë, sulmuesi do të kërkojë vetëm të gjejë formën e tij përpara në Kupën e Botës muajin e ardhshëm.