12:00 - 21 Nëntor 2022

Një tërmet goditi ishullin kryesor Java të Indonezisë, duke dëmtuar dhjetëra ndërtesa dhe duke vrarë të paktën 44 persona, por bilanci pritet të rëndohet.

Shërbimi Gjeologjik i SHBA tha se tërmeti me magnitudë 5.6 ballë ishte me qendër në rajonin Cianjur në provincën Java Perëndimore dhe me thellësi prej 10 km.

Herman Suherman, një zyrtar nga Cianjur, tha se 300 persona kanë mbetur të plagosur.

Adam, zëdhënës i administratës lokale në qytetin Cianjur deklaroi se dhjetëra njerëz kishin vdekur.

“Ka pasur dhjetëra njerëz të vrarë. Qindra, madje ndoshta mijëra shtëpi janë dëmtuar. Deri më tani 44 persona kanë vdekur”, tha Adam.