×
  • Lajme
  • Insajderi

    Testimi i rrugëve të Ramës, e shndërron Prishtinë në hapësirë loje e argëtimi

    Insajderi
    21 May 2022 - 19:31

    Një test për qarkohen njëkahore është në proces edhe këtë fundjavë në Prishtinë.

    Shumë qytetarë të kryeqytetit e kanë kritikuar Komunën e Prishtinës për këto testime, për shkak të tollovive eventuale që kanë mundur të shkaktohen në trafik.

    Megjithatë, ka qytetarë që e mirëpresin testin, e sidomos ata që janë pasionantë të hapësirave publike për lojëra e aktivitete rekreative.

    Prishtinasi Shpend Lila, ka publikuar disa fotografi nga rruga “Xhorxh Bush”, që përshkon rreth katedrales “Nënë Tereza” në Prishtinë, e cila sot është bllokuar për qarkullimin e veturave.

    Nga fotografitë, shihet se fëmijët dhe të rinjtë rrugën që zakonisht është e stërngarkuar nga veturat, sot është shndërruar në një hapësire loje e argëtimi.

    Disa shihen duke luajtur basketboll, të tjerë ping-pong dhe disa të tjerë rrugën e shfrytëzojnë për çiklizëm. Po ashtu, në rrugë shihet edhe një DJ.

    “Po m’pëlqen qikjo Prishtinë”, ka shkruar qytetari Lila në Facebook. 

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika
    Kosovë
    29 March 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark