×
  • Lajme
  • Lajme

    Thaçi vizitohet në Hagë nga vëllai dhe miqtë e tij

    Insajderi
    24 November 2021 - 12:12

    Ish-presidenti i Kosovës Hashim Thaçi, i cili gjendet në Hagë, është vizituar nga vëllai i tij Blerim Thaçi dhe dy miqtë e tij Milaim Cakiqi dhe Hamdi Krasniqi.

    Ketë e ka bërë të ditur miku i tij Cakiqi i cili tha së është ndjerë shumë mirë që e ka parë.

    ”T’fala nga Haga! Hashim Thaçi ishte i ri kur e nisi rrugëtimin për liri dhe pavarësi. Me besim të palëkundur e bëri luftën dhe paqen. E bëri historinë e re dhe Kosovën e re. Me besim të palëkundur po qëndron edhe në Qendrën e Paraburgimit në Hagë, i privuar nga liria, por i pathyer, i panënshtruar dhe i pa dorëzuar. U ndjeva shumë mirë që e pashë, pas vizitës që kisha dje në Hagë, sepse takimet me të kudo janë frymëzuese”, ka shkruar ai.

    Ai ka thënë se Thaçi vazhdon të qëndrojë i pathyeshëm edhe në Hagë.

    “ Një lider i formësuar në vitet më të rënda që përjetoi populli ynë, nuk mund të thyhet nga askush. Hashim Thaçi ka qenë, është dhe vazhdon të jetë i pathyeshëm. Në luftë, në liri, në paraburgim, kudo, ai është i madh!”, ka shkruar Cakiqi.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark