×
  • LifeStyle
  • Green

    Transmetimi i Covid-19 te kafshët: Nëse jeni infektuar shmangni kontaktin me macet dhe qentë

    Insajderi
    05 July 2021 - 12:47
    Klikoni Këtu për t'u bërë pjesë e kanalit të Insajderit në Youtube.

    Sipas studimeve ka rezultuar se Covid-19 transmetohet te qentë dhe macet dhe kjo ndodh shpesh.

    Tamponët u morën nga 310 kafshë shtëpiake në 196 familje ku një pjesëtar i familjes ishte i infektuar nga koronavirusi, raporton BBC.

    Gjashtë mace dhe shtatë qen rezultuan pozitivë , ndërsa 54 kafshë rezultuan pozitive për antitrupa virusi.

    “Nëse keni Covid-19, duhet të shmangni kontaktin me macen ose qenin tuaj, ashtu si do të vepronit me njerëzit e tjerë”, tha Dr Els Broens, nga Universiteti i Utrechtit.

    “Shqetësimi kryesor nuk është shëndeti i kafshëve, por rreziku i mundshëm që kafshët shtëpiake mund të veprojnë si rezervuar i virusit dhe ta rifutin atë në popullatën njerëzore.”

    Autorët e studimit thanë se asnjë provë e transmetimit të kafshës nga pronari nuk ishte regjistruar deri më sot, por do të ishte e vështirë të zbulohej ndërsa virusi ende përhapet lehtësisht midis njerëzve.

    Shumica e kafshëve shtëpiake të infektuara kanë tendencë të jenë asimptomatike ose shfaqin simptoma të lehta të Covid-19.

    Studiuesit thonë se rruga më e mundshme e transmetimit të virusit është nga njeriu tek kafsha, sesa e kundërta.

    OP-ED
    Nga Rubrika
    LifeStyle
    30 May 2024
    LifeStyle
    30 May 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark