Ambasadorja e SHBA-së në Irak, Alina Romanowski, ka thënë se trazirat në Irak janë “shqetësuese” sepse nuk po i lejojnë institucionet irakiane të funksionojnë dhe u kërkon të gjitha palëve “të qëndrojnë paqësore dhe të përmbahen nga aktet që mund të çojnë në një cikël dhune”.

“Siguria, stabiliteti dhe sovraniteti i Irakut nuk duhet të vihen në rrezik”, tha ajo në një deklaratë.
“Tani është koha për dialog për të zgjidhur mosmarrëveshjet, jo përmes konfrontimit.” Romanoëski u bëri thirrje gjithashtu demonstruesve të “respektojnë institucionet dhe pronën e qeverisë irakiane, të cilat i përkasin dhe i shërbejnë popullit irakian dhe duhet të lejohen të funksionojnë”.

Dhuna filloi pasi Sadr njoftoi tërheqjen e tij nga politika.

Blloku i tij fitoi shumicën e vendeve në parlament tetorin e kaluar, por ai ka refuzuar të negociojë me grupet shiite të mbështetura nga Irani për të formuar një qeveri.