Zgjedhjet presidenciale në SHBA në vitin 2024 janë beteja përfundimtare, tha ish-presidenti amerikan Donald Trump në tubimin e parë parazgjedhor, duke shtuar se “armiqtë e tij” po përpiqen me dëshpërim ta ndalojnë në rrugën e tij për në Shtëpinë e Bardhë, por se “nuk po ia dalin”

“Kundërshtarët tanë bënë gjithçka që mundën për të na thyer shpirtin dhe për të thyer vullnetin tonë, por ata dështuan. Ata vetëm na forcuan. Dhe 2024 është beteja e fundit, dhe një e madhe në këtë. Më ktheni në Shtëpinë e Bardhë dhe sundimi i tyre do të përfundojë dhe Amerika do të jetë përsëri një vend i lirë”, u tha Trump mbështetësve në Wake, Teksas.

Ai përsëriti se zgjedhjet e vitit 2020 në të cilat ai u mund nga Joe Biden “ishin të parregullta” dhe lavdëroi protestuesit që sulmuan Kapitolin më 6 janar 2021, raporton Guardian.

Ai gjithashtu sulmoi prokurorët që drejtonin disa hetime kundër tij, duke thënë se ata ishin “llum absolut njerëzor”.

Ai tha se jeta e tij private “u përmbys” për shkak të sjelljes së keqe të manjakëve të majtë, siç deklaroi ai. Ai i cilësoi hetimet kundër tij si sulme politike të koordinuara nga demokratët në Uashington./Insajderi/