×
  • Lajme
  • Lajme

    U sulmua me thikë derisa priste djalin para shkollës: Kush është shqiptarja që vdiq në Itali

    Insajderi
    25 May 2022 - 21:23

    Një ngjarje e rëndë ka ndodhur në Itali ditën e sotme, ku një 37-vjeçare shqiptare është sulmuar me thikë ndërsa priste djalin para shkollës.

    Shqiptarja është identifikuar si Bruna Meuca Hella, ndërsa sipas mediave italiane ajo është sulmuar me thikë përpara shkollës së djalit të saj 10-vjeçar.

    Ajo është goditur disa herë me thikë nga një burrë, i cili dyshohet se mund të jetë ish-bashkëshorti.

    Bruna banonte pranë shkollës dhe ajo ka shkuar në shtëpinë e saj përpara se të lajmëronte ambulancën. Pavarësisht nxitimit për ta transportuar për në spital, Bruna ka mbërritur e pajetë në duart e mjekëve.

    Tashmë agjentët e mjekësisë ligjore janë duke punuar në zbardhjen e ngjarjes së rëndë, rindërtimin e dinamikës së sulmit dhe identifikimin e autorit./Abcnews.al

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark