Kanë dalë në shitje biletat për ndeshjen finale të Conference League që do të zhvillohet më datë 25 maj në stadiumin Air Albania mes Romës dhe Feynoord. UEFA bën të ditur në faqen zyrtare se në dispozicion të tifozëve janë vendosur 16.500 bileta nga 20.000 që është kapaciteti i stadiumit në Tiranë.

Ndërkaq, secili prej klubeve do të ketë në dispozicion nga 4.000 bileta ndërsa 8.500 të tjera do të vendosen në dispozicion të fansave asnjëanës ndërkohë që pjesa e mbetur e biletave është për UEFA-n, për partnerët komercialë dhe transmetuesit.

Ndërkaq, biletat janë të ndara në katër kategori dhe bileta më e lirë nis nga 25 euro teksa çmimi më i shtrenjtë kap shifrën e 125 eurove.

Çmimet e biletave:

Kategoria 4: 25 Euro

Kategoria 3: 45 Euro

Kategoria 2: 85 Euro

Kategoria 1: 125 Euro