×
  • Lajme
  • Lajme / Kosovë

    “Unë mendova që e kanë kidnapu Ramushin”, Bahtiri tregon për takimin me Haradinajn te shtëpia e Radojiçiqit

    Insajderi
    07 December 2022 - 22:42

    Ish-kryetari i Mitrovicës, Agim Bahtiri ka folur për takimin e e tij me kreun e AAK-së, Ramush Haradinajt, si dhe me atë të Listës Serbe, Goran Rakiq në kohën kur në Kosovë, po tentohej të formohej koalicioni PAN.

    Bahtiri ka rrëfyer për herë të parë se pas një telefonate të Haradinajt e më pas Rakiqit, kishte përfunduar në shtëpinë e nënkryetarit të Listës Serbe, Milan Radojçiq.

     “Është e padrejtë që Ramushi i kundërvihet Albinit. Haradinaj i ka lut serbët. Kah ora 21:00 i mramjes. Më ka thirr Ramush Haradinaj në telefon. Më ka thënë se po më duhesh me ardh, e kam pyet ku je, më tha: tash të thirr dikush edhe të tregon se ku jam. Edhe më ka thirr Rakiqi, aso kohe kryetar i veriut të Mitrovicës. Ai më tha, se nëse do të vijsh te ai person që të telëefonoj, unë jam i gatshëm të dërgojë te ai

    Ai ka treguar se fillimisht kishte menduar që e kanë kidnapuar Ramushin.

    Unë me të thënë të vërtetën kam menduar që e kanë kidnapuar Ramushin. E kam thirr komandatin e Mitrovicës së Jugut, edhe ju kam treguar se nëse më ndodh diçka e dini se jam nalt. E kam pa për herë të parë shtëpinë e jaranit të tij, Radojçiqit. Kur kam zbritur prej kerrit, i kam parë disa persona me automjeta të moshës 30 vjecare. Kur hyna brenda e kam pa Ramushin bashkë me Radojçiqi ”,ka zbuluar Bahtiri në Politiko.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark