×
  • Lajme
  • Botë
  • Lajme / Botë

    Vajza e krishtere që deshi të martohej me një mysliman, vritet nga babai

    Insajderi
    17 July 2017 - 16:37

    Një banor i krishterë nga qyteti Ramle i Izraelit qendror, është arrestuar të dielën nën akuzën se ka vrarë të bijën adoleshente për shkak se ajo ka qenë në lidhje dashurie me një djalosh të ri mysliman.

    Sami Karra dyshohet se e vrau të bijën e vet, Henriette, 17-vjeçe, për shkak se ai dhe familja e tij ishin kundër lidhjes së saj të dashurisë me një person, i cili në atë kohë ndodhej në burg, si dhe për shkak të planeve për t’u konvertuar në islam për shkak të tij.

    Henriette e kishte lënë shtëpinë e prindërve para vrasjes tragjike të 13 qershorit pasi familja e saj e kishte përdorur dhunën dhe kërcënimet në përpjekje për t’i dhënë fund lidhjes së saj me një mysliman, sipas aktakuzës.

    Ndërsa një javë para se të vritej, ajo ishte ankuar në polici kundër nënës së vet, duke thënë se ishte sulmuar nga ajo, transmeton Express.

    Por, pasi kishte kaluar kohë në disa vende të ndryshe, ajo u kthye në shtëpinë e prindërve, të cilëve u kishte bërë me dije se do të martohej me të dashurin dhe konvertohej në islam sapo ai të dilte nga burgu.

    Në orën 3 të mëngjes, babai i saj e kishte rrahur dhe kërcënuar. Më vonë, ajo është gjetur e vdekur në kuzhinën e shtëpisë, nga plagët e shkaktuara nga therja me thikë.

    E ëma e saj ka thënë se burri i saj e ka vrarë atë për shkak të nderit.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark