Një vajzë ka ndarë me ndjekësit e saj në TikTok se si vendosi t’i jepte fund lidhjes katër vjeçare pasi partneri i saj i kërkoi lekët e ilaçit që bleu për të. Jackie Li shpjegon përmes një videoje se në një moment u ndje e sëmurë dhe i kërkoi partnerit të saj t’i merrte disa ilaçe kur të kthehej në shtëpi.
“Pasi mbaroi punën, ndaloi në një farmaci dhe më mori një shurup. Ishte shumë i sjellshëm, e vlerësova shumë”, tha ajo. Siç shton vajza, piu shurupin dhe e zuri gjumi por kur u zgjua e priste një surprizë e pakëndshme. Partneri i saj po i kërkonte përmes një aplikacioni 7 dollarë për shurupin.
Siç thotë ajo, ata ishin bashkë për katër vite dhe kjo i ra si “zile” në vesh se diçka nuk shkonte në marrëdhënien e tyre. Dhe ashtu, sot ata nuk janë bashkë. Ajo tha se partneri i saj nuk ishte përgjithësisht dorështrënguar gjatë marrëdhënies së tyre dhe se ajo mendon se ky incident, i cili ndodhi në gjashtë muajt e fundit të marrëdhënies së tyre, ishte një shenjë se ata ishin drejt ndarjes.