Mbrëmë, Kosova pësoi humbje nga Malta në sfidën e parë të grupeve në Kampionatin Evropian për Shtete të Vogla që po zhvillohet në Qipro.

Malta triumfoi me rezultat 61:68, kjo si rrjedhojë e joseriozitetit të Vashave të Kosovës, të cilat para ndeshjes zgjodhën që kohë t’i kushtonin aplikacionit, TikTok, shkruan Insajderi.

Basketbollistet mbrëmë përveç joseriozitetit, nuk treguan bashkëpunim dhe përkushtim për ndeshjen e rëndësishme ndaj Maltës. Siç shihet nga videot e publikuara, Vashat e Kosovës ishin larg të menduarit të ushtronin para ndeshjes – por, megjithatë, u kujtuan të provonin të vallëzonin të gjitha së bashku.

Edicioni 2022 i Kampionatit Evropian të FIBA-s për Vendet e Vogla po zhvillohet në Ta’ Qali, Maltë nga 28 qershor – 3 korrik, ku po marrin pjesë gjashtë ekipe kombëtare nga e gjithë Evropa.

Ndryshe, ndeshjen e radhës, Kosova e zhvillon sot ndaj Andorrës, nga ora 15:00.

/Insajderi.org