Një 11-vjeçare ka vdekur sot ( e premte ), pasi ka rënë nga ballkoni i një ndërtesë në Shtime.

Ngjarja ka ndodhur rreth orës 14:35 në rrugën “Shaqir Tershani”.

Lajmin për Insajderin e ka konfirmuar zëdhënësi i Policisë së Kosovës për rajonin e Ferizajt, Kanun Veseli.

“Sot rreth orës 14:35 në rrugën Shaqir Tershani në Shtime një person i gjinisë femër e moshës 11-vjeçare aksidentalisht ka rënë nga ballkoni i një ndërtese, kati IV. Për pasojë, viktima ka ndërruar jetë”, ka thënë Veseli.

Ai ka bërë të ditur se trupi i pajetë është dërguar në Institutin e Mjekësisë Ligjore për obduksion.