Aktorja Zsa Zsa Gabor ka vdekur pas një sulmi në zemër, në moshën 99 vjeçare. Këtë e ka konfirmuar burri i saj, Frederic von Anhalt, shkruan BBC.

“Ajo nuk ka vdekur vetëm”, tha ai, duke shtuar se të gjithë miqtë kanë qenë pranë saj.

Aktorja e famshme Hollywoodiane, Zsa Zsa Gabor, ka lindur në Hungari,  ku gjatë Luftës së Dytë Botërore ajo emigroi në Shtetet e Bashkuara të Amerikës dhe debutimin e saj të parë në  Hollywood, e bëri në vitin 1952.

Ajo u shfaq në më shumë se 70 filma, por ishte më shumë e njohur për stilin e jetës së saj të famshëm.

Ajo ishte e martuar nëntë herë. Hera e parë kur është martuar ka qenë në moshën 20 vjeçare, ndërsa martesa e fundit e saj ka qenë pak para se të mbushte 70 vjet.

Gabor u kurorëzua Mis Hungari në vitin 1936, por më vonë u skualifikua për shkak se pati gënjyer për moshën e saj për të hyrë në konkurs.

Ajo ka luajtur në shumë filma të famshëm si Moulin Rouge, Lili, Mbretëresha e Outer Space, etj./Insajderi.com