Një aksident me pasojë vdekjen e një 68 vjeçari e plagosjen e dy të tjerëve ka ndodhur këtë të dielë në rrethinat e Tiranës, në vendin e njohur si ‘shkallët e Tujanit’.
“Mjeti me drejtues N.K., duke qarkulluar me mjet në një zonë e cila është kantier ndertimi, ka humbur kontrollin e mjetit dhe për pasojë janë dëmtuar pasagjerët B.K dhe B.K., të cilët janë nisur me ambulancë për në spital, dhe ndodhen nën kujdesin e mjekëve. Ndërsa pasagjeri tjetër shtetasi H.D., 68 vjeç, ka ndërruar jetë në vëndngjarje si pasojë e plagëve të marra”, thuhet në njoftimin e policisë.
Ndërkohë grupi hetimor dhe shërbimet e Policisë shkuan në vendngjarje dhe po punojnë për sqarimin e rrethanave të ngjarjes. /Insajderi.org