Administrata e larguar sot nga Shtëpia e Bardhë, e udhëhequr nga Donald Trump, i ka ndërruar emrin faqes zyrtare të Shtëpisë së Bardhë në rrjetin social Facebook, në ditën e largimit të administratës nga aty.

Nga emërtimi “Shtëpia e Bardhë”, Administrata Trump e ka ndryshuar emrin e faqes zyrtare të presidencës amerikane në emërtimin: “Shtëpia e Bardhë e Trump”.

Ndërrimi i emërtimit të faqes zyrtare së Shtëpisë së Bardhë në Facebook dëshmohet në historikun e faqes në Facebook. Aty bëhet e ditur se emri i faqes është ndërruar sot, në ditën e largimit të Trump nga pozita e presidentit.

Faqja e Shtëpisë së Bardhë në Facebook numëron mbi 9 milionë ndjekës.

Momentalisht, në Uashington është duke u zhvilluar ceremonia e inaugurimit të Joe Biden, presidentit të ri të Shteteve të Bashkuara të Amerikës.