Reshjet e shumta të shiut gjatë dy ditëve të fundit kanë shkaktuar probleme dhe vështirësi në qytetin e Pejës.
Lexues të Insajderit kanë dërguar video nga gjendja aktuale në rrugët e Pejës, ku shihet se e gjithë rruga ku qarkullojnë automjetet është e përmbytur.
Po ashtu, edhe faqja “Peja në fokus” në Facebook, ka publikuar video dhe fotografi nga situata e tanishme në zonat e Dukagjinit.
Vërshimet janë paralajmëruar edhe nga Instituti Hidrometeorologjik Kosovës.
Në njoftimin e institutit u bë e ditur se disa zona të Dukagjinit mund të preken më së shumti nga vërshimet.