Një 20-vjeçar ka ndërruar jetë pas një aksidenti në Mitrovicë.
Zëdhënësi i Policisë së Kosovës për rajonin e Mitrovicës, Avni Zahiti ka treguar për Gazetën Insajderi se ky aksident është cilësuar si vetëaksident.
Zahiti ka bërë të ditur se shoferit të automjetit i është caktuar masa e ndalimit.
“Aksidenti ka ndodhur gjatë natës, rreth orës 02:00, si rast është cilësuar si vetaksident, si pasojë e lëndimeve një pasagjerë që ka qenë në veturë ka ndërruar jetë, drejtuesi dhe një pasagjerë tjetër kanë pësuar lëndime dhe trupi i pa jetë i pasagjerit dërgohet në institut dhe drejtuesit i është caktuar masa e ndalimit”, ka thënë Zahiti për Insajderin. /Insajderi.org