Angel Di Maria është duke shijuar pushimet në Ibiza me familjen e tij, por ndërkohë vazhdon të mendojë për të ardhmen e tij. 

Sidomos për ofertën të Juves, e cila prej ditësh nuk e ka lënë të lirë dhe pret një përgjigje përfundimtare. Një përgjigje që mund të vijë së shpejti. Sidomos nëse zgjedhja e Juventusit duhet të kënaqë edhe shijet e gruas së ‘Fideos’. 

Sipas ‘Tuttosport’, në fakt, një rol të rëndësishëm në vendimin e Di Marias me siguri do të luajë edhe partnerja e lojtarit. Dhe pikërisht për këtë arsye, bashkëshortët Di Maria mund të ndërpresin shkurtimisht pushimet e tyre spanjole, për të bërë një vizitë të shpejtë në Torino. Një goditje për të marrë një ide të qytetit personalisht dhe për të kuptuar diçka më shumë rreth mjedisit të Juves. 

Për momentin nuk është caktuar ende një datë e saktë për udhëtimin në Torino të ish-lojtarit të PSG-së, por përshtypja është se gjithçka mund të ndodhë në një kohë të shkurtër. Juve, në fakt, pret një përgjigje nga ‘Fideo’ dhe shpreson ta marrë atë brenda 48 orëve të ardhshme. Koha e mjaftueshme që Di Maria dhe familja e tij të hedhin një vështrim të shpejtë në qytet dhe të bëjnë vlerësimet e nevojshme për ofertën e Juventusit me më shumë elementë në dispozicion. 

Një detaj që megjithatë paraqet një lajm pozitiv për Juventusin. Nëse Di Maria nuk do të tundohej nga bardhezinjtë, në fakt, ai me siguri nuk do të ndërpriste pushimet për të ardhur e për të parë Torinon nga afër.