×
  • Lajme
  • Botë
  • Lajme / Botë

    Vjen në jetë foshnja me tre prindër. Si u zhvillua “eksperimenti” i mjekëve?

    Insajderi
    10 May 2023 - 10:21

    Foshnja e parë e ngjizur duke përdorur ADN-në e tre personave ka lindur në Mbretërinë e Bashkuar.

    Foshja erdhi në jetë, mjekët kryen një procedurë revolucionare të fekondimit in vitro (IVF) që synonte të parandalonte fëmijët të trashëgojnë sëmundje të pashërueshme.

    Teknika, e njohur si dhurimi mitokondrial (MDT), përdor indet nga vezët e dhuruesve femra të shëndetshme për të krijuar embrione që nuk kanë mutacione të dëmshme të bartura nga nënat e tyre dhe që ka të ngjarë t’u kalohen fëmijëve të tyre, raporton Guardian.

    Për shkak se embrioni mbart një kombinim të spermës dhe vezës së prindërve biologjikë me struktura të vogla të ngjashme me baterinë, të quajtura mitokondri, nga qeliza dhuruese, foshnja e porsalindur ka ADN-në e nënës dhe babait si zakonisht, plus një sasi të vogël materiali gjenetik, rreth 37 gjene, nga dhuruesi.

    Procesi ka çuar në termin “foshnja me tre prindër”, edhe pse më shumë se 99.8 përqind e ADN-së në këto foshnje vjen nga nëna dhe babai.

    Hulumtimi për MDT, i cili njihet edhe si terapi zëvendësuese mitokondriale (MRT), filloi në Mbretërinë e Bashkuar nga mjekët në Qendrën e Fertilitetit të Newcastle. Puna synonte të ndihmonte gratë me mitokondri të mutuara të kenë fëmijë pa rrezikun e kalimit të çrregullimeve gjenetike. Njerëzit trashëgojnë të gjitha mitokondritë nga nënat e tyre, kështu që mutacionet e dëmshme në “bateritë” mund të prekin të gjithë fëmijët që një grua ka.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark