Supermodelja Gigi Hadid do të jetë në ballinën revistës më të re Vogue Arabia, shkruan BBC.

Modelja 21-vjeçare e cila është gjysmë Palestineze dhe gjysmë Holandeze ka ndarë në Instagram fotografinë e saj, duke shkruar që dalja në ballinën e “Vouge Arabia”, është “gjëja më e rëndësishme në karrierën e saj”.

Ballina e “Vogue Arabia”  me Gigi Hadid, vjen në një kohë kur Trump si president i tashëm i Amerikës këto kohë ka shfaqur mospërkrahje dhe urrejtje ndaj refugjatëve nga vendet e ndryshme të lindjes së mesme dhe zezakëve, ndërsa shumë artistë edhe nga Hollywood kanë protestuar në mënyra të ndryshme lidhje me këtë.

E rasti i fundit i kësaj është edhe ceremonia e ndarjes së çmimeve Oskar, ku këtë vit për herë të parë fitoi çmim një aktor mysliman, dhe çmimin për dokumentarin më të mirë e mori dokumentari sirian “The White Helmets”.

Ndërsa për ballinën Hadid ka shprehur gëzimin e saj, e cila në foto ka dalë me shami në kokë.

“Unë mendoj që gjëja më e bukur e të qenit në Vouge internacionale është që, si një komunitet i modës, ne jemi në gjendje të festojmë dhe të ndajmë me botën,” ka thënë Hadid.

Dy versione të revistës janë prodhuar, njëra në Anglisht dhe tjetra në arabisht./Insajderi.com