Një grua ka mbetur e vdekur në oborrin e QKUK’së, para repartit të Gjinekologjisë. E njëjta dyshohet se është vrarë nga burri i saj. Gazeta Insajderi ka mësuar se viktima ishte shtatzënë.

Lajmin për Gazetën Insajderi e ka konfirmuar Policia e Kosovës.

Në vendin e ngjarjes ka dalur policia dhe ekipi mjekësor të cilët kanë konstatuar vdekjen e viktimës, e moshës 35 vjeçe.

“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen  e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje. Aktualisht policia në koordinim me prokurorin e  shtetit ka nisur një hetim  dhe  po vijon ndërmarrjen e të gjitha veprimeve hetimore dhe të ekzaminimit, me qëllim  sqarimin e plotë të ngjarjes”, thuhet ne njoftimin e PK-së.