×
  • Lajme
  • Botë
  • Lajme / Botë

    Vriten me thikë dy gra në një qendër myslimane në Portugali

    Insajderi
    28 March 2023 - 16:04

    I dyshuari për vrasjen me thikë të dy grave në një qendër myslimane ismailite në Lisbonë është qëlluar nga Policia portugeze.

    Gratë ishin anëtare të stafit portugez në qendër, tha kreu i komunitetit, Narzim Ahmad, për televizionin portugez S.I.C.

    Pasi u njoftua, Policia tha se shkoi në vendin e ngjarjes dhe u ndesh me të dyshuarin, i cili ishte “i armatosur me një thikë të madhe”.

    Policia tha se e urdhëroi atë të dorëzohej, por i dyshuari nuk u bind dhe eci drejt policëve, të cilët e qëlluan. Më pas, ai u dërgua në një spital të Lisbonës dhe iu caktua masa e paraburgimit.

    Veç dy grave të vdekura, në njoftimin e Policisë thuhet se ka edhe persona tjerë të plagosur, por nuk jepen detaje tjera.

    Kryeministri portugez, Antonio Costa, tha u tha gazetarëve se sulmi ishte “një akt kriminal”.

    “Gjithçka tregon se ky është një incident i izoluar”, tha ai, duke shtuar se janë duke u hetuar motivet e këtij akti, por është shumë herët për të “spekuluar mbi motivet”.

    Myslimanët shiitë ismaili, të njohur përgjithësisht si ismailitë, i përkasin degës shiite të islamit, sipas faqes së tyre të internetit. Ata jetojnë në më shumë se 25 vende të botës./rel

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark