×
  • Showbiz
  • Show

    Wanda Nara e përjashton mundësinë e ribashkimit me Mauro Icardin: Largohu prej meje

    Insajderi
    15 December 2022 - 16:21

    Marrëdhënia mes Wanda Naras dhe Mauro Icardit ka qenë gjithmonë shumë e stuhishme.

    Gjatë gjithë viteve të tyre së bashku nuk kanë munguar përplasjet dhe pajtimet, por tashmë duket se marrëdhënia e tyre ka marrë fund njëherë e përgjithmonë.

    Futbollisti është kthyer në Argjentinë për të festuar ditëlindjen e Naras dhe për të kaluar pushimet së bashku me të.

    Icardi u përpoq të afrohej sa më shumë, por duket se përpjekjet e tij nuk i kanë ndihmuar shumë. Në fakt ka ndodhur e kundërta.

    Fundjavën e kaluar të dy u grindën në ditëlindjen e Kenny Palacios në Nordelta, dhe siç raportohet nga Socios del Espectaculo, Icardi dukej i trishtuar pasi mbeti vetëm për shumicën e kohës.

    Raportimet thonë se ylli i futbollit gjatë gjithë festës tentoi t’i afrohej ish-bashkëshortes, por ajo e refuzonte çdo herë.

    “Wanda foli për Mauron si ish-in e saj dhe sa herë që ai donte t’i afrohej asaj në ditëlindjen e Kennyt, qoftë si mik apo ndërsa përpiqej të përqafohej, ajo i thoshte atij ‘largohu, largohu. Mos më afro’”.

    Duket se marrëdhënia ka përfunduar dhe arsyeja kryesore është se Nara tani është e fokusuar te L-Gante, që do të thotë se Icardi është tashmë në të kaluarën.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark