Menaxheri i Arsenalit, Arsene Wenger, ka thënë se të hyrat shtesë që Premier Liga është duke marrë nga shitja e të drejtave televizive do të shfrytëzohen për të blerë lojtarë të ri, dhe jo për të ulur çmimin e biletave për të parë ndeshjet në stadiume.

Të hyrat në Premier Ligë priten të rriten dukshëm, pasi që të drejtat televizive janë shitur për rreth 8 miliard funte, raporton BBC.

Por Wenger thotë se viteve të fundit klubet kanë nevojë për më shumë mjete financiare për të përballuar çmimin e lartë të blerjes së lojtarëve dhe për pagat e tyre, shkruan Insajderi.

“Ajo çfarë do të ndodhë është se çmimet e lojtarëve do të rriten edhe më shumë dhe kështu do të detyrohemi që këto të hyra shtesë të përdoren për blerje të lojtarëve të rinj,” ka thënë ai.

“Unë besoj se presioni për të shpenzuar këto mjetet do të rritet edhe më shumë, dhe kështu nuk mund të presim domosdoshmërisht që nga këto mjetet të përfitojnë edhe njerëzit e tjerë,” ka shtuar ai./Insajderi.com