Me 16 gola dhe 10 asistime në 30 ndeshje të kampionatit anglez, Mahrez është njëri prej futbollistëve më të mirë të Evropës këtë sezon.

Për t’ia sugjeruar Barcelonës 25-vjeçarin algjerian, ka menduar ish-kapiteni i Barcelonës, Xavi, i cili tha se Mahrez është futbollist cilësor.

“Mahrez është një futbollist shumë cilësor. Me atë që po bën për klubin e tij aktual ai po tregon që është një lojtar i madh. Riyad mund të luajë shumë mirë edhe te klub i madh si Barcelona”, deklaroi Xavi për mediet e Katarit.

Xavi prej një sezoni është pjesë e skuadrës nga Katari , Al Saad, me të cilën ka një kontratë 2-vjeçare dhe pritet edhe ta përfundojë karrierën si futbollist. /Insajderi.com