×
  • Sport
  • Sport

    Ylli i Chelseat refuzon fushatën kundër racizmit

    Insajderi
    21 September 2021 - 15:50

    Mbrojtësi i krahut të majtë i Chelseat Marcos Alonso nuk do të ulet më në gju para ndeshjeve në Premier Ligën angleze, pasi që beson ky gjest i fushatës kundër racizmit është duke e humbur rëndësinë që e ka.

    Lojtarët janë ulur në gjunjë para fillimit të ndeshjeve të Premier Ligës që nga qershori i vitit 2020, në solidaritet me lëvizjen ”Black Lives Matter”.

    Tani, Alonso do të qëndroj kundër këtij gjesti, dhe në vend të tij do të prek logon në fanellën e Chelseat ”No Room for Racism”, gjatë momenteve kur lojtarët e tjerë ulen në gjunjë.

    Chelsea's Marcos Alonso points to the ‘no room for racism’ message on the sleeve of his shirt before the match against Aston Villa this month.

    ”Absolutisht unë jam kundër racizmit dhe kundër çdo lloji tjetër të diskriminimit. Preferoj që të bëj me gisht drejt logos që thotë ”jo racizmit”, siç e bëjnë edhe në disa sporte dhe futboll në shtetet e tjera”, ka thënë Alonso.

    Ai tutje shtoi se është plotësisht kundër racizmit dhe e respekton çdo njeri.

    Përveç Alonsos, sulmuesi i Crystal Palace Wilfried Zaha dhe ai i Brentford Ivan Toney gjithashtu janë larguar nga kjo lëvizje, me arsyet se duhet të bëhet më shumë rreth çështjes së zhdukjes së racizmit.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark