Reprezentuesi holandez, Daley Blind pas fitores së Holandës kundër Ukrainës, ka deklaruar se e kishte shqyrtuar mundësinë të mos paraqitej fare pas rastit të Christian Eriksenit, raporton Insporti.com.

Blind është një mik i ngushtë dhe ish-shok ekipit i Eriksen, me dyshen që ka luajtur së bashku tek Ajax, por përveç kësaj ai kishte pasur një situatë gati të ngjashme me Eriksenin.

Blind, ishte rrëzuar për tokë në një miqësore para-sezonale kundër Hertha Berlin, në gusht 2020 duke frikësuar shumë shokët e skuadrës dhe të pranishmit.

Mbrojtësi, 31-vjeçar, ishte titullar në fitoren e “Tulipanëve” 3-2 të Grupit C ndaj Ukrainës, dhe ai shpërtheu në lot pasi u zëvendësua në pjesën e dytë.

Blind aktualisht është futbollist i Ajaxit, ndërsa për disa sezone kishte luajtur për Manchester United. /Insporti.com/