Këtë të premte në emisionin “Dhoma e Rrëfimit” e ftuar ishte Feride Rushiti, drejtoreshë e Qendrës e të Mbijetuarve të Torturës.
Gjatë rrëfimit të saj për jetën personale, Rushiti ka treguar se si vendosi t’i ndihmonte refugjatëve gjatë periudhës së luftës e më pas edhe viktimave të dhunës seksuale.
Një shpirt human, ajo thotë se e kishte pas qysh e vogël, e kjo e shtyri të studionte mjeksinë e më vonë të merrej edhe me persona që ishin torturuar e dhunuar.
Qendrën për Rehabilitim fillimisht e hapi në rajonin e Drenicës, vend ky i panjohur për Rushitin.
Ajo ka treguar përvojat e para me banorët dhe viktimat e dhunës seksuale në këtë rajon të Kosovës.
Ndërsa i ka përshkruar përjetimet e të dhunuarve gjatë luftës, Rushiti ka shpërthyer në lotë.
Ajo thekson se paragjykimet ndaj kësaj kategorie ende ekzistojnë.
Për këto dhe më shumë shiko emisionin e plotë: