×
  • Sport
  • Sport

    Zhgënjen Rashica, “zhduket” Besar Halimi

    Insajderi
    11 September 2016 - 19:27

    Rashica, i cili është njëri nga futbollistët më të mirë të Vitesses dhe titullar i padiskutueshëm, nuk ka përmbushur pritshmëritë e klubit holandez në ndeshjen derbi të kësaj jave në Eredivisie ndaj Ajaxit.

    Vushtrriasi luajti për 66 minuta në këtë takim dhe nuk arriti të tregonte vlerat e padiskutueshme të tij në këtë takim të vështirë. Ai u zëvendësua nga talenti holandez Van Bergen, raporton Gazeta Online Insajderi.

    Vitesse pësoi humbjen e dytë në Ligën Holandeze të futbollit, pasi u mposhtën nga Ajaxi me rezultat minimal 1:0.

    Milot Rashica of Vitesse during the Dutch Eredivisie match between Roda JC Kerkrade and Vitesse at the Parkstad Limburg stadium on august 20, 2016 in Kerkrade, the Netherlands

    Nën anën tjetër, situatë shumë të vështirë po kalon mesfushori kosovar Besar Halimi. 21-vjeçari nuk ka qenë i pranishëm as në bankën rezervë në barazimin që skuadra e tij Mainz e regjistroi ndaj Hoffenheim në Bundesligë.

    Ish-futbollisti i FSV Frankfurt nuk po gjen hapësira në sezonin e tij të parë tek Mainz, kjo për shkak të konkurrencës së madhe në mesfushën e kësaj skuadre.

    U23 des 1. FSV Mainz 05 gegen den MSV Duisburg am 4. Spieltag der 3. Liga Saison 2016/17, Schauinslandreisen Arena Duisburg

    Ai nuk është ftuar në asnjërën prej dy ndeshjeve të para të Mainzit në Bundesliga, madje nuk është përfshirë as në listën e lojtarëve që skuadra gjermane mund t’i përdorë në Ligën e Evropës këtë stinor, raporton Insajderi.

    Halimi ka zhvilluar vetëm disa takime miqësore në ndeshjet parasezonale me gjermanët e Mainzit.

    Ndërkohë që sot në superligën e Zvicrës ka shkëlqyer anëtari i ri i Kosovës, Benjamin Kololli. Mesfushori i krahut shënoi dy gola për skuadrënn e tij Lausanne ndaj Vaduzit.

    Formë të mirë këtë fundjavë ka treguar edhe sulmuesi kosovar i Manchester Cityt, i huazuar tek Twente, Bersant Celina. 20-vjeçari shënoi gol në debutimin e tij në Eredivisie. /Insajderi.com

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark