Një shkrim i Gazetës Insajderi për punësimin e nipërve të Jakup Krasniqit nëpër institucione, nuk i ka pëlqyer as zv/ministrit të brendshëm Isa Xhemajlaj.

Xhemajlaj që vjen pikërisht nga partia e Krasniqit, në reagimin e Krasniqit në facebook ka zgjedhur t’i ofendojë gazetarët.

I ka quajtur spiunë dhe tradhtarë që po e bëjnë punën që e kanë profesion.

“Respekt për kontributin tuaj dhe të familjes suaj. Keni qenë dhe vazhdoni të jeni gardian i pa mposhtur në  mbrojtje të atdheut dhe vlerave diplomatike. Spiunët dhe tradhtarët e kombit po bëjnë punën që e kanë profesion si dje kur ti ishte nëpër brgjet e Jugosllavisë ashtu sot kur po e mbroni vendin nga armiqtë e brendshëm dhe bandat kriminale”, ka shkruar në komentin e tij Xhemajlaj.

Për shkrimin e Gazetës Insajderi ka reaguar edhe vetë Krasniqi.

Ai ka thënë se në Kosovë ka problem më të mëdha sesa puna e nipërve të tij, që “marrin pagë si të gjithë të tjerët”. /Insajderi.com