×
  • Sport
  • Sport / Insporti

    ZYRTARE: Besart Berisha futbollist i Prishtinës – konfirmohet lajmi i “Insportit”

    Insajderi
    15 September 2021 - 13:07

    FC Prishtina ka konfirmuar transferimin e Besart Berishës. Gazeta online “Insporti” ekskluzivisht raportoi dy ditë më parë (13 shtator) se Prishtina do ta transferojë ish-reprezentuesin e Kombëtares së Shqipërisë.

    “Insporti” raportoi se për Berishën ka qenë në garë edhe Ballkani, por synimi i sulmuesit shqiptar ishte vetëm Prishtina.

    Berisha të premten do të jetë në Kosovë dhe më pas do të prezantohet edhe me fanellën e klubit kampion.

    Berisha, 36 vjeçar, verën që shkoi u largua nga futboll australian si golashënuesi më i mirë në histori.

    Berisha në Evropë ka luajtur për klube si Hamburg (Gjermani), Burnley (Angli) dhe Rosenberg (Danimarkë).

    Po ashtu ka 17 paraqitje për Kombëtaren e Shqipërisë.

    Ai ishte transferuar në Australi në vitin 2011 duke u transferuar në skuadrën Brisbane Roar. Me Brisbane ai ka fituar dy tituj kampioni. Për një kohë luajti edhe në Japoni.

    Në futbollin australian ai ka lënë gjurmë të mëdha, duke u bërë golashënuesi më i mirë në histori, duke shënuar 148 gola. /Insporti.com/

    https://insporti.com/ekskluzive-besart-berisha-te-premten-ateron-ne-kosove-pritet-ti-bashkohet-fc-prishtines/

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark