Qatip Osmani është wshtw trajneri i ri i klubit shqiptar nga Maqedonia, Shkëndija, shkruan Insajderi.

Osmani rikthehet për herë të katërt te Shkëndija, pasi më parë ka qenë edhe në tri periudha të ndryshme, ku së fundmi u largua në vitin 2019 nga kuqezinjtë.

Faqja zyrtare e Shkëndijës e ka konfirmuar marrëveshjen e arritur me trajnerin 53-vjeçar.

“’Qato’ kthehet në shtëpi! Trajneri që numëron pesë trofe me Shkëndijën do të drejtojë kuqezinjtë në periudhën që pason”, ka shkruar faqja zyrtare e Shkëndijës.

Osmani ka fituar tre herë titullin e kampionit me Shkëndijën, në sezonin 2010/11, 2017/18 dhe 2018/19, derisa ka edhe dy Kupa të Maqedonisë.