Gazetarja e Insajderit, Dijellza Preniqi, ka bërë një vizitë në terren përgjatë magjistrales Prishtinë–Pejë për të parë nga afër se si ndryshojnë çmimet e derivateve nga një pompë te tjetra – dhe ndryshimet janë më të mëdha se sa duken.
Në fillim të magjistrales, nafta dhe benzina shiten me 1.19 euro për litër, një çmim që duket “mesatar”.
Por vetëm pak kilometra më tej, tek pika Exfis, çmimi i naftës rritet në 1.22 euro, ndërsa benzina 1.21 euro. Dhe këtu nuk ndalet gjithçka. Qytetarë të shumtë kanë shprehur pakënaqësi në ditët e fundit, duke u ankuar për cilësinë e derivateve të marra pikërisht nga kjo kompani. Cilësi që, sipas tyre, nuk përputhet me çmimin që po paguajnë.
Por nëse ecni edhe pak më tej, hasni në një tjetër pompë – pothuajse në hyrje të magjistrales. Aty, nafta shitet për 1 euro e 17 cent, ndërsa benzina për 1 euro e 15 cent për litër.
Dhe nëse vozitni edhe pak kilometra më larg…Nafta bie në 1.14 euro për litër. Një çmim që vazhdon të luhatet në distanca të vogla.
Në një tjetër pikë të afërt, nafta ofrohet për 1 euro e 12 cent për litër. Dhe në një distancë edhe më të largët – gati në periferi – një litër naftë mund të gjendet për vetëm 1 euro e 5 cent.
Ndërkohë, në Gjakovë – qytetin që ndodhet shumë pranë kësaj rruge – çmimet janë më të qëndrueshme, por sërish jo pa dallime. Nafta kushton mesatarisht 1 euro e 19 cent për litër, ndërsa benzina 1 euro e 20 cent.
Për të kuptuar më shumë ndiqni videon në vijim.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
