Zëdhënësi i Policisë së Kosovës, Agron Borovci, ka konfirmuar se në aksidentin mes autobusit të trafikut urban dhe një veture në fshatin Keqekollë të Prishtinës, ka ndërruar jetë një person.

Në një përgjigje për Insajderi, Borovci ka bërë të ditur se në këtë aksident kanë mbetur të lënduar edhe 14 persona të tjerë.

“Rreth orës 14:30, është raportuar për një aksident trafiku të ndodhur në fshatin Keqekollë të  Prishtinës. Deri më tani bëhet e ditur se në aksident janë përfshirë një autobus dhe një veturë. Për pasojë një person ka humbur jetën ndërkaq katërmbëdhjetë të tjerë kanë kërkuar ndihmën mjekësore. Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti.”, ka thënë Borovci.

/Insajderi.org/