Kandidati për kryetar të Drenasit nga lista “Për Drenasin Kampion”, Ramiz Lladrovci, ka zhvilluar tubime zgjedhore me qytetarët e Damanekut, Krajkovës dhe të Lagjes Bytyçi-Arllat, ku prezantoi vizionin për mandatin e ardhshëm dhe 101 arsyet për të kërkuar besimin e qytetarëve.

Në tubimet e mbajtura bashkë me kandidatët e asamblesë nga lista e tij, Burbuqe Istogu Hoxha, Vjosa Hoxha dhe Burim Bujupi, Lladrovci tha se përkrahja e qytetarëve ishte e jashtëzakonshme, pavarësisht motit të keq dhe shiut.

“Qytetarët kampionë janë të vullnetshëm për të vazhduar qeverisjen me barazi para ligjit, barazi gjinore dhe vlera të tjera që na bëjnë kampion,” u shpreh ai.

Lladrovci kritikoi gjithashtu atë që e quajti “shkolla e shpifjeve dhe shantazheve”, duke theksuar se as profili më i rremë nuk mund të tjetërsojë të vërtetën për punën e bërë nga qeverisja e tij dhe bashkëpunimin me qytetarët.

Ai përmbylli fjalimin me një mesazh mirënjohjeje “Qytetarë, 101 herë faleminderit për praninë tuaj. Vazhdojmë edhe katër!”

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur