Ndërtimi i objektit 11 katësh në Ferizaj po shkakton probleme të theksuara në rrugën “Gëzim Sahiti” ku si pasojë e ndërtimeve – po bllokohet edhe rruga për qarkullim. Ndërtimi i këtij objekti nga ndërmarrja e biznesmenit ferizajas, Fatmir Grainca ka shqetësuar në vazhdimësi banorët e lagjes pasi është duke u ndërtuar midis plotë shtëpive.

Me qarkullimin në këtë rrugë, një telashe ka pasur edhe drejtori i OJQ’së “AVONET”, Kenan Gashi i cili përmes një reagimi ka treguar se si është kërcënuar nga anëtarët e biznesit ndërtues.

Ai thotë se ka lajmëruar policinë por as ata nuk kanë intervenuar përkundër faktit se ky biznes ka mbyllur e bllokuar rrugën.

“Sot, përsëri biznesi “Hit Petrol” e ka mbyllur rrugën për qarkullim të lirë të banorëve, dhe poashtu ka vendosur pengesa, duke vështirësuar qasjen e lirë të qytetarëve në rrugë një kahshe. Me këtë rast kemi shprehur shqetësimin dhe ankesën tonë duke telefonuar Policinë e Kosovës por përsëri sikurse edhe herave të kaluara POLICIA nuk vepron”, ka thënë Gashi në reagimin e dërguar tek Gazeta Insajderi.

Lidhur me ndërtimin e këtij objekti edhe banorët kishin protestuar para disa jave si shenjë pakënaqësie për shkak që Komuna e Ferizajt i ka dhënë leje multimilionerit, Fatmir Grainca të ndërtojë objektin 11 katësh.

Valdet Haxhimusa, banorë i lagjes tha të hënën për Insajderin se janë të shqetësuar dhe të brengosur për mos intervenimin e Policisë së Kosovës e prokurorisë përkundër faktit që banorët kanë bërë ankesa.

“Ne banoret e rrugës “Gëzim Sahiti”, jemi duke u ballafaquar me drejtën për jetë dhe kjo është duke na mohuar dhe në vazhdimësi kemi shfrytëzuar drejtat e kërkesave, ankesave dhe po ashtu kemi adresuar edhe pretendimet për shkelej që kanë bërë zyrtaret e Komunës së Ferizajt dhe kjo për ne është tejet brengose”, tha ai duke treguar se si ende janë duke vazhduar punimet.

Ndërkohë, Kenan Gashi tha me tutje se si një biznes në Ferizaj ka fuqi me të madhe se vet komuna e institucionet.

“Është për të shqetësuar se si anëtarët e një biznesit në Ferizaj ka fuqi me të madhe se sa vetë komunitetit, ata shpesh herë janë shkelës të ligjit, tregojnë fuqinë para institucioneve, kur institucionit as që vrehen para tyre, duke i thirrur edhe në telefoni zyrtaret e tyre”, u shpreh ai.

Gashi rrëfen se si të shtunën është kërcënuar në sytë e zyrtarëve policorë.

“Të shtunën e 8 korrikut, para orës 14:00, ky buznes kishte bllokuar rrugën dhe kam kërkuar nga ana e tyre që të zhbllokojnë rrugën, e me këtë raat ata edhe më kërcënuan. Pas këtij kërcënimi personalisht telefonova 192 duke kërkuar që të vijnë për të parë gjendjen faktike, ata erdhën por fatkeqësisht edhe pse i informova dhe ju prezantova faktet për kërcënimin tim, ata as që morën parasysh, e çka është me e keqja e kësaj, i shqiptuan një dënim një qytetarit (musafir) të lagjes që në fakt ai ishte i pafajshëm”, tha ai.

Gashi ka siguruar edhe disa pamje/fakte të cilat tretojnë se si është bllokuar kjo rrugë:

Gazeta Insadjeri ka raportuar edhe më herët për shqetësimet e banorëve dhe OJQ’ve për ndërtimin dhe mënyrën se si i është dhënë leja biznesmenit Fatmir Grainca për ndërtimin e një objekti 11 katësh në Ferizaj.