Sot në Veternik ngasësi i një kamioni ka humbur kontrollin duke shkaktuar aksident. Në aksident u përfshinë 11 vetura duke u lënduar 11 persona. Ky aksident shkaktoi bllokim total të Prishtinës. Kamioni që u bë shkaktar është i kompanisë “Sallahu’. E njëjta njihet si tenderues i madh i Komunës së Prishtinës.

Nga Policia e Kosovës, kanë dhënë detaje për aksidentin.

“Sot rreth orës 14:30 kemi pranuar informatën se në Veternik ka ndodhë një aksident trafiku. Në këtë aksident kanë qenë të përfshirë një kamion dhe 11 automjete. Bazuar në të dhënat e deritanishme, si pasojë e aksidentit lëndime  trupore kanë pësuar 11 persona”, ka thënë Flora Ahmeti.

Ndërsa në fotot e siguruara nga Gazeta Insajderi, vërehet se kamioni që u përfshi në aksident mban llogon e kompanisë “Sallahu”.

Kush është kompania që shkaktoi aksidentin?

Kompania ‘Sallahu’ ka për pronar Naim Sallahun.

Ky i fundit u bë i njohur për tenderin e majmë që e mori nga Përparim Rama për rrugën A.

Gazeta Insajderi kishte raportuar në vazhdimësi për lidhjet e Sallahut me kryetarin e Prishtinës dhe tenderin milionësh të rrugës A.

Pronarët e kontraktorit të komunës së Prishtinës, “Sallahu” i ishte ngritur një aktakuzë: thelbi i së cilës është falsifikim i dokumenteve për tenderë.

Ky tender prej 8.5 milionë euro i ishte dhënë kompanisë private nga Kaçaniku, “Sallahu SH.P.K.