Prokuroria Speciale e Kosovës ka ngritur aktakuzë ndaj dy anëtarëve të Lëvizjes Vetëvendosje, Faruk Mujkës dhe Hysen Muzliukajt, për veprën penale “Keqpërdorim i pozitës apo autoritetit zyrtar”.

Sipas aktakuzës, më 25 prill 2021, Mujka në cilësinë e nënkryetarit të komunës së Mitrovicës së Jugut, dhe Muzliukaj, si drejtor i Drejtorisë për Gjeodezi, Kadastër dhe Pronë, dyshohet se tejkaluan kompetencat e tyre zyrtare për të favorizuar persona të tretë, duke paraqitur Kuvendit Komunal një propozim-vendim për këmbimin e një prone si pronë komunale, ndonëse ajo ishte shpallur më parë me interes të posaçëm publik.

Veprimet e tyre dyshohet se kanë shkaktuar dëm të konsiderueshëm prej 125,100 euro Agjencisë Kosovare të Privatizimit.

Përveç kësaj, Faruk Mujka akuzohet edhe për “Mosraportim ose raportim të rremë të pasurisë, të ardhurave, dhuratave, dobisë tjetër materiale ose detyrimeve financiare”.

Prokuroria Speciale ka propozuar gjithashtu shqyrtimin e dënimeve plotësuese për të pandehurit F.M. dhe H.M. në kuadër të procesit gjyqësor.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!