Talenti i madh i Barcelonës, Lamine Yamal po përjeton ëndrrën teksa po luan si startues me Kombëtaren e Spanjës në Kampionatin Evropian “Gjermani 2024”. Por, kjo e ka lënë mbrapa me mësime.

Yamal po bën histori në Euro 2024. Ai tani është lojtari më i ri që ka luajtur ndonjëherë në një Kampionat Evropian.

16-vjeçar i Barcelonës la gjurmë në debutimin e tij me një pasim të bukur për të asistuar golin e tretë të Spanjës kundër Kroacisë.

Ai kishte edhe një shans të shënimit të golit, mirëpo që iu mohua nga portieri i Kroacisë, Dominik Livakoviq.

Yamal në një intervistë ka folur edhe për mësimet rreth tij, i cili ka shpresuar që t’i ndihmojnë me provime nëse Spanja shkon larg në “Euro 2024”.

“Unë po shpresoj që mësuesit e mi të shikojnë Kampionatin Evropian dhe të mbështesin ekipin kombëtar”, ka deklaruar ylli blaugranas.