Mbrëmë rreth mesnatës Njësia patrulluese e Trafikut Rrugor, ka hasuyr në flagrancë një veturë të tipit VW Golf, me targa vendore, i cili po qarkullonte me shpejtësi prej 118 km/h në një zonë ku kufizimi i lejuar është 50 km/h.
Ngjarja ka ndodhur në magjjistralen Ferizaj – Kaçanik, saktësisht në fshatin e Vjetër, njofton Policia.
“Gjatë lëvizjes, shoferi A.B. (19 vjeç) kishte kryer edhe tejkalimin e një automjeti tjetër në vijë të plotë, duke rrezikuar sigurinë e pjesëmarrësve të tjerë në trafik. Ndaj tij, policia ka shqiptuar një gjobë prej 300 euro, 3 pikë negative, si dhe heqje të patentë-shoferit për 3 muaj. Po ashtu, shoferi është përjashtuar nga komunikacioni”, thuhet në njoftim.
Policia Rajonale në Ferizaj apelon tek të gjithë ngasësit e automjeteve që të respektojnë kufizimet e shpejtësisë dhe shenjat rrugore, pasi tejkalimi i rrezikshëm dhe mosrespektimi i vijës së plotë mund të rezultojnë me pasoja në njerëz.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
