Në 21 janar 1924 ndërron jetë Lenini, ikona më e madhe e komunizmit. Rikthimi i tij nga mërgimi në Rusi, në një tren të mbyllur në vitin1917, dhe Revolucioni i Tetorit jo vetëm që sjellin një epokë të re, por ato hedhin edhe bazat për një luftë mes ideologjive, nën pasardhësin e tij, Josif Stalinin, një luftë që do e shntrëngojë botën që të mbajë frymën. Por, po sikur Lenini të kishte jetuar edhe 20 vjet?
A do të kish ndodhur i njëjti terror, të njëjtat spastrime dhe e njëjta shtypje, edhe nën regjimin e tij? Vetëm në vitet 1932-33, më shumë se pesë milionë njerëz vdiqën nga uria si rezultat i kolektivizimit të bujqësisë, nga ana e Stalinit.
Në vitin 1917, Lenini i kishte dhënë çdo fshatari një copë tokë. Vetë krye-revolucionari dukej se e kishte ditur rrezikun që paraqiste Stalini, sepse në vitin 1923 ai shkruante: “Stalini është shumë i vrazhdë dhe ai nuk mund të tolerohet. Për këtë arsye, sugjeroj që ai të shkarkohet”. Një vit më vonë, Lenini vdiq dhe Stalini mori pushtetin./Bota.al
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
